Nú styttist í sumarnámskeið Leitarhunda sem hefst á norðurlandi á morgun. Veðurspáin er ágæt en við erum viðbúin öllu, vön því að fara út þegar aðrir fara inn!
​

Þá er síðustu víðavangsúttekt 2017 lokið. 
Í þetta sinn var gist í sumarbúðunum Ölveri undir Hafnarfjalli sem er frábær aðstaða í alla staði!
Æft var inn í Leirársveit og inn við Geitabergsvatn. 

Þau teymi sem náðu prófum á úttektinni voru:

Stefán Karl og Svúnki - A endurmat 4
Björn og Joey - A endurmat 2
Lovísa og Snerpa - A endurmat
Arnar Logi og Skotta - A
Þorgils og Pjakkur - A
Dóra og Orka - B
Helgi og Neró - B

Við viljum þakka Geirabakarí í Borgarnesi og Myllunni kærlega fyrir að hafa styrkt okkur með brauði og bakkelsi. Það er fátt betra en gott nesti eftir erfiða leit í krefjandi lanslagi. 
Einnig þökkum við fyrir það óeigingjarna starf sjálfboðaliða sem komu sérstaklega á úttektina til að liggja úti í felum fyrir okkur. Án ykkar væri þetta ekki hægt!

Síðasta víðavangs úttekt ársins fer fram í Ölveri í Hvalfjarðarsveit dagana 6.-8.október. 

Búist er við um 10-12 teymum í úttektir allt frá C uppí A-endurmat.

Dagskrá helgarinnar: 
-fimmtudagurinn 5. okt: fólk týnist í skálann um kvöldið. Dóra verður með lykil af skálanum þannig að hægt er að hafa samband við hana í síma 867-6053 þegar fólk fer að nálgast áfangastað á fimmtudeginum.
- Föstudagur 6. okt: morgunmatur kl 8. Æft/prófað 9-17 ca. Sameiginlegur kvöldmatur eftir það. 
- Laugardagur 7. okt: sama og á föstudeginum. 
- Sunnudagur 8. okt: morgunmatur kl 8 og svo haldið upp á svæði. Æft frá ca 9-? Hættum eins snemma og hægt er upp á þá sem koma langt að. Förum aftur í skálann eftir daginn og slítum námskeiði.
Verkaskipting kemur betur í ljós þegar við komum á svæðið. 
Leitarhundar útvega almennan morgunmat föst, laug og sunn, nesti yfir alla dagana og kvöldmat föstudags og laugardagskvöld.

Dagana 23.-25. júní fer fram sumarúttekt á Norðurlandi og 22.- 24. september verður úttekt á Suðurlandi. Ætlast er til að teymi mæti vel æfð og taki ýmist c-, b- eða a- próf.

Leitarhundar Slysavarnarfélagsins Landsbjargar var stofnað þann 19. maí árið 1996. Félagið fagnar því 21 árs afmæli!